O Concello de Triacastela abre o prazo de matrícula para anotarse a clases de baile de salón
O Concello de Triacastela ofertará ao longo de 2020 clases de baile de salón, que serán impartidas por Magali, da academia MAGIC DANCE.
As clases terán lugar os sábados de 20:00 a 21:00 horas no polideportivo do colexio Eduardo Vila Cela.
O Concello de Triacastela asumirá a metade dos custos das clases e a outra metade correrá a cargo de cada un dos participantes.
O prezo total será de 20-25 euros aproximadamente, dependendo do número de inscritos. Para facer un grupo é preciso que haxa dez persoas anotadas.
Os interesados e interesadas poden obter máis información ou inscribirse na actividade no número de teléfono do Concello de Triacastela 982 54 81 47.
O Goberno local conta coa colaboración da Deputación de Lugo para levar a cabo estas clases a través do Plan Único.
Comments (0)