Casa do Maior ‘Xeroser’
Hoxe achegámonos ata a Casa do Maior ‘Xeroser’, situada no mesmo municipio de Triacastela no baixo do Restaurante Vilasante e xestionada por Erica.
A vivenda para persoas maiores de 60 anos está dada de alta desde o 1 un decembro e desde principios de xaneiro conta xa cun usuario.
O horario de atención é de 10:00 a 18:00 horas, coa posibilidade de contratar o xantar.
A Casa do Maior ten cinco prazas, que poden ser solicitadas polas persoas interesadas no servizo, sempre que sexan maiores de 60 anos, válidas ou coa dependencia recoñecida en grao I ou II.
Os veciños e veciñas que queiran información ou ver as instalacións poden achegarse á casa polas mañás. Tamén poden poñerse en contacto cos Servizos Sociais do Concello de Triacastela no número 982 54 81 47 ou con Erica no teléfono 672 27 90 90.
As Casas do Maior son pequenos centros de día que permiten que os municipios que non contan con este tipo de servizo poidan ofrecer terapias e actividades aos maiores dentro da súa contorna.
Comments (0)