Territorio

Ríos

O Municipio consta dunha variada hidrografía fluvial, que drena a súa extensión territorial e na que destacan, principalmente, os cauces do río Santalla e Oribio.

O río Santalla discorre en dirección Oeste Leste pola parte central do Termo Municipal, encaixado nun val encrestado de modo característico na orografía montañosa abrupta que o circunda, e que na súa confluencia augas abaixo co Rego Valdescuro, dá paso ao curso do río Oribio; curso fluvial este último, que circunvala pola cara norte á vila de Triacatela.

A restante rede fluvial está conformada por ríos de menor entidade; Longo, Teixido e Ribeira. Alimentada por numerosos regueiros procedentes de relevos próximos ; Bezcas, Tras dá Pena, Vilavella, Ribeira e Valdescuro.

Así mesmo, no Municipio abundan fontes e mananciais menores que regan terras de labor e que proporcionan auga potable a diversas paraxes deste.

Por outro lado, no referente á existencia de áreas en risco de inundación, non se considera a formación de zonas de inundación potencial no Territorio Municipal.

Montes

A relación da situación e extensión dos montes veciñais en réxime de mancomunidade distribuídos polo Territorio Municipal, detállase na táboa adxunta:

O monte veciñal en réxime de mancomunidade representa practicamente un 30% da superficie forestal do Municipio, debido en gran parte, ao carácter xeralmente abrupto deste último. As maiores extensións concéntranse nas áreas montañosas circundantes do Norte e Sur Municipal, nas que prevalece o uso de matogueira e monte baixo, cabe sinalar, tamén as importantes bolsas localizadas cara ao interior do Municipio, sendo o caso das existentes nas parroquias de Vilavella, Lamas e Cancelo.

En contraposición co anterior, a ausencia de montes veciñais é manifesta naquelas zonas de topografía máis moderada, vales fluviais e pequenas veigas agrícolas, onde é máis patente a acción antrópica con fins agropecuarios [pradería e terreos de cultivo].